Amouage

Amouage markasının tarixi Amouage evi 1983-cü ildə Oman kral ailəsinin böyük şəhzadəsi – Səid Hamad ben Hamud al Busaid alihəzrətləri tərəfindən yaradılmışdır. O, ölkəsinin yüksək ətriyyat incəsənətini dirçəltməyi qərara alır. Doğma Omandan ilhamlanan nəcib ətirlər, Amouage şah əsərlərinə toxunan hər kəsin təxəyyülünü oyadan zəngin və rəngarəng miras notlarını yaradır. İndi Oman, bibliya zamanlarından bəri büxur və mirra kimi ətirli qatranların istehsal mərkəzi olan ərazilərdə yerləşir. Ən dəyərli gümüşü büxuru yalnız Dofarada, Omanın cənubundaki dağlardan əldə etmək olar. Büxurun bu növü bir zamanlar qızılın qıymətinə idi. Bu gün də, qədim zamanlarda olduğu kimi, büxur ağaclarının qiymətli qatranı heyvandarlıqla məşğul olan tayfalar tərəfindən yığılır. Bir başqa nadir xammal Cebel al Əhdər adlı ərazıdə, dağ yamaclarında bitən qaya qızılgülündən alınır. Orada digər qatran – mirra da əldə olunur. Amouage Evi öz şah əsərlərini qədim ərəb ətriyyat incəsənəti ənənələrinə uyğun hazırlayır, və öz mürəkkəbliyi və orijinallığı ilə təəcübləndirir. Amouage özündə sirr, ekzotika, iki minillik ərəb ətriyyat incəsənətinin təcrübəsini və Fransız ətriyyat sənayesinin ən yaxşı müassir texnologiyalarını birləşdirir. İlk Amouage ətri olan Amouage Gold — Hermes Caleche və Dior Essence kimi şah əsərləri ilə tanınan, əfsanəvi fransız ətriyyatçısı Gi Rober tərəfindən hazırlanıb. Amouage Gold 25 il ərzində bu ətriyyat evinin bestselleri olub. Omandan olan əsas inqredientlər – gümüşü büxur, mirra və qaya qızılgülüdür. 2008-ci ildə gümüş yubileyini -25 il- qeyd edən Amouage brendi rebrendinq etdi, loqosunu dəyişdi, 21-ci əsrə uyğun qablaşmaya olan münasibətini dəyişdi və istehlakçı bazarını artırmaq istiqamətində addımlar atdı. Kişi ətri Jubilation XXV və qadın ətri Jubilation 25 cütlüyünün buraxılışı brendin 25 illiyinə həsr olundu. Bu gün Amouage — ən təcrübəli istehlakçılar üçün bir həyat tərzidir. Onun bütün dünyada kral ailələri, dünya liderləri, televiziya, kino, moda, idman və musiqi sahələrində tanınmış ulduzlar kimi pərəstişkarları var.